اتراکھنڈ پبلک سروس کمیشن کے چیئرمین نے سی ایم دھامی سے ملاقات کی۔

دہرادون۔ چیف منسٹر پشکر سنگھ دھامی سے اتراکھنڈ پبلک سروس کمیشن کے چیئرمین ڈاکٹر راکیش کمار نے جمعرات کو سکریٹریٹ میں ملاقات کی۔ چیف منسٹر دھامی نے ڈاکٹر راکیش کمار کو کمیشن کے ذریعہ منعقد کئے جانے والے بھرتی امتحانات کے عمل کو تیز کرنے کی ہدایت کی۔ چیف منسٹر دھامی نے اس بات پر خوشی کا اظہار کیا کہ اتراکھنڈ پبلک سروس کمیشن بھرتی کے عمل کو موثر اور مکمل شفافیت کے ساتھ انجام دے رہا ہے، انہوں نے ریاست کے نوجوانوں کو یقین دلایا ہے کہ بھرتی کے امتحانات مکمل طور پر شفاف اور منصفانہ طریقے سے منعقد کئے جائیں گے۔ محنت اور لگن سے امتحانات کی تیاری کریں۔ کمیشن کے چیئرمین ڈاکٹر راکیش کمار نے بتایا کہ اتراکھنڈ پبلک سروس کمیشن نے آئندہ امتحانات کے لیے کیلنڈر جاری کر دیا ہے اور اس کے مطابق تمام تیاریاں مکمل کر لی گئی ہیں۔ جلد از جلد امتحانات کا انعقاد کیا جائے گا۔